Gaelscoil Chaladh an Treoigh

Obair Bhaile

Creidimid go bhfuil sé tábhachtach go mbeadh na daltaí freagrach as a gcuid foghlama féin agus go gcothóidis nósanna maithe neamhspleácha oibre. Tuigimid go bhfuil ról tábhachtach ag an mbaile agus déanaimid iarracht an deis a thapú chun go n-oibreodh páistí lena dtuismitheoirí agus chun go mbunófaí ceangal idir an scoil agus an baile.

Cén fáth go dtugaimid obair le déanamh sa bhaile?
Chun deis a thabhairt do dhaltaí an obair a dhéantar sa rang a athdhéanamh agus a dhaingniú.

Chun scileanna neamhspleácha staidéir agus nósanna maithe oibre a fhorbairt.

Chun deis a thabhairt do thuismitheoirí páirt a ghlacadh i bhfoghlaim a bpáistí agus tacú leo.

Chun na daltaí a spreagadh chun a bheith freagrach as a gcuid foghlama féin agus a thuiscint go mbíonn an fhoghlaim ar siúl lasmuigh den scoil.

Treoirlínte
An méid ama:
Is é seo a leanas an meán-mhéid ama a chaitheann an gnáth dhalta ag déanamh obair bhaile gach oíche:
Naí. Shóisearacha/Naí. Shinsearacha 15-20nd
Rang I/ Rang II 30 - 45 nd
Rang III/ Rang IV 45 - 75 nd
Rang V/Rang VI 90 - 120 nd

Ról na dTuismitheoirí

Tá sé tábhachtach go:

• Am rialta leagtha amach d'obair bhaile
• Deimhniú go bhfuil do pháiste compordach agus aer úr sa seomra, gan aon chur isteach msh teilifís, raidió, srl.
• Deimhniú go bhfuil cóipleabhar, pinn, rialóirí srl acu sula gcuirfear tús leis an obair bhaile.
• Féach go bhfuil an obair bhaile breactha síos go néata agus cuir tic le gach cuid de agus é curtha i gcrích.
• Dialann obair bhaile a shíniú
• Deimhniú go bhfuil cóipleabhair, leabhair srl. sa mhála agus an obair bhaile críochnaithe.