Mar Phríomhoide Ghaelscoil Chaladh an Treoigh, is mór an onóir dom fíor chaoin fáilte a chur romhat chuig ár suíomh idirlín scoile.
‘Sé manna na scoile ná ‘Mens Sana in Corpore Sano’, meon slántiúil i gcorp sláintiúil. Tugann an fhoireann iomlán faoina gcuid oibre anseo go fuinniúil le cinntiú go bhfuil an manna seo i bhfeidhm go forleathan sa scoil.
Inár suaitheantas scoile, tá ceithre shiombail a bhaineann lenár bhfís uilíoch:
An leabhar – is íomhá é seo den fhoghlaim agus den fhorbairt acadúil a tharlaíonn de shíor in atmaisféar dearfach, spreagtha
An crann – is cuid lárnach den oideachas anseo cúram na timpeallachta agus an nadúir. Is íomha é an crann freisin den oideachas a chuirtear ar fáil chun láidreacht agus aclaíocht na bpáistí a fhorbairt
An chláirseach – íomha a léiríonn gur scoil í seo a chuireann béim ar an gcultúr Gaelach. Cothaitear é seo tríd an teanga, an ceol agus an damhsa Gaelach a threisiú
An colúr – tugaimid tacaíocht dos na daltaí a gcuid scileanna soisialta a fhorbairt ionas go mbeidh siad muiníneach agus freagrach sa todchaí
Tá foireann den scoth againn i nGaelscoil Chaladh an Treoigh, idir múinteoirí agus foireann riarachán. Is cúis onóra dúinn atmaisféar foghlama, slán sábháilte a fhorbairt le comhpháirtí phobal na scoile, agus an páiste i gcónaí lárnach inár bhfís.
Doras feasa fiafraí.
Frankie Uí Fhrainclín